الدولار والجنيه والربح من الإنترنت بالدولار هل هو حقيقة ام نصب ؟

 

فى البداية

كلنا ملاحظين وعايشين موضوع الدولار والجنيه بقى عامل دلوقتي
مشكله كبيره جدا عند ناس كثير والناس حست ان في لحظه ما بين يوم وليله فلوسها قلت
وانهم بقوا مهددين واللحظه اللي الناس بتخاف فيها وبتبدا ان هي تقلق هي نفس
اللحظه اللي النصابين بيبداوا انهم يظهروا بكل قوه عشان يعدوا ويمنوا الناس
اللى خايفة دى انهم عندهم حل ليهم وان الحل ده هيخرجهم من الازمه اللي هما فيها

واكيد ملاحظين دلوقتى كمية الفيديوهات الكتيرة جدا واللى  بتتكلم على
العمل الحر وازاي ان انت ممكن تكسب فلوس بالدولار اون لاين

وعشان نكون واضحين !!

في جزء من الموضوع ده
حقيقي بس الجزء الاكبر منه نصب وكذب وسرقه
طيب لو انت فعلا عايز تكسب بالدولار ولو
انت فعلا عايز يبقى عندك عمل حر تزود بيه
دخل بجانب دخلك تعمل ايه ؟؟

 

تعال اقولك

خلاصه الموضوع الحقيقي مش اللي الناس
بتقعد تتكلم فيه كده وخلاص ايه هي الخطوات
اللي انت تعملها وهتاخد منك تقريبا وقت قد
ايه ومحتاج ان انت تبدل مجهود قد ايه ؟؟

خلينى اجاوبك على اول سؤال !

اول سؤال وهو اهم سؤال هل
فعلا ممكن ان انا اكسب بالدولار وان انا
يبقى عندي دخل اضافي بجانب الشغلانه
بتاعتي الاجابه ايوه والاجابه ايوه في
حالتين الحاله الاولى لو انت ما عندكش اي
خبره في اي حاجه او لو انت عندك شويه خبره
في مجال من المجالات اللي احنا هنتكلم
عليها خلينا نبدا نتكلم على المجالات
المشهوره اللي كل الناس عارفه ان هي بتطلع
فلوس واللي فاتحه بيوت ناس كثير جدا
المجال الاولاني هو

التصميم

بتخش على المواقع
بتاعه العمل الحر زي فرى لانسر دوت كوم او خمسات او مستقل بتخش على
المواقع دي بتلاقي ان في شركه منزله بتقول
يا جماعه احنا محتاجين حد يعمل لنا بوستر على سبيل المثال 
بالمواصفات الفلانيه مقابل 50 دولار اللي
بيحصل ان في ناس كثير جدا عندها خبره في
التصميم بتبدا تعمل التصميمات وتبعثها 
للشركات وتقول لهم يا جماعه دي تصميمات
بتاعتنا تمام لحد كدا ؟

 

هل المنافسة بتكون عالية ؟

 ايوه المنافسه عاليه
بس الفلوس برده موجوده يبقى كده اول مجال
من مجالات الربح اون لاين هو التصميم تقدر
تصمم بانر فلاير لوجو براند اي دانت تي او
براند ايميدج بغض النظر ايه هي نوع الحاجه
اللي انت هتصممها ده طبعا لو انت عندك
خبره عندك الحاجات اللي هي علاقه بالبرمجه
سواء ان انت هتعمل برمجه لموقع الكتروني
هتصمم موقع الكترونياو انك  هتصمم تطبيق
للموبايل او اي حاجه العميل بتاعك محتاجها
دي برده حاجه لها شغلها مطلوبه وفي حاجات
ثانيه

 

زي مثلا

صناعه المحتوى كتابه

السكريبتات والى اخره كل الحاجات دي
هتلاقيها على المواقع بتاعه العمل الحر طب
نفترض ان انت ما عندكش اي خبره ومع ذلك
عايز ان انت تكسب فلوس هاقول لك ابدا العب
على الحاجات اللي المنافسه فيها الى حد ما
مش عاليه قوي ومش محتاجه منك خبره كبيره
زي مثلا تصميم السيره الذاتيه لما تخش على
المواقع بتاعه العمل الحر هتلاقي ان في
ناس طالبين ان احد يعمل لهم سيره ذاتيه
مقابل 5 10 الى 50 دولار وانت وشطارتك !

 طيب

انت ما عندكش خبره في عمل
السيره الذاتيه تعمل ايه هتخش على المواقع
اللي بتعمل سيره ذاتيه زي سي دي ميكر او
زي اي موقع فيه مواقع كثير جدا بتعمل سيره
ذاتيه وهتاخذ البيانات بتاعه العميل تحطها
على الموقع وتطلع السيره الذاتيه وتبعتهاله 
 و تكسب فلوس هتقول ليا طب ثانيه واحده
الكلام بتاعك حلو قوي لدرجه ان انا ما
اصدقش ان هو حقيقي ما هي هنا النقطه بقى
انت في 50,000 واحد هيعرضوا على الشخص ده
ان هو نعمل لك السي في بتاعك يا سيدي بال
50 يورو بتوعك ايه اللي هيفرقك انت عن اي
حد ثاني وهي هنا بقى مربط الفرس هنا اهم
نقطه في الموضوع بتاع الفري لانسنج او
العمل الحر المواقع الموجوده والشغل موجود
والفلوس موجوده بس مين اللي بيقدر ان هو
يقتنص الشغلانه دي ويكسب الفلوس بتاعتها
اول حاجه الشخص اللي عنده ريفيوهات او ياعنى تقييمات عاليه!!

فانت

لو لسه عامل حساب النهارده على
المواقع دي فنسبة انك تحصل على الشغل
قليله جدا ليه لانك انت ما عندكش تقيمات ما فيش اي دليل او اي
اثبات بيقول ان انت الشغل بتاعك كويس فلما
انا اجي اختار احد عشان يصمم لوجو مش
هاختارك لان انا شايف التقييمات بتاعتك 
قليله ده رقم واحد وحلها انك هتشوف الاهل
والصحاب والحبايب وتقولهم يا جماعه انا
عايزكو تعملوا لي تقييمات عشان التقييمات
بتاعتي تزيد او انك تعمل شغل لناس ببلاش
من غير ما تاخذ منهم اي فلوس في مقابل ان
هم يعملوا لك تقييمات عاليه او تعمل لهم
ديسكاونت 80% 90% في مقابل ريفيوهات

 

 ثاني حاجه

فكره ان الملف بتاعك شكله
مش قوي انت مش حاطط الصوره الشخصيه بتاعتك
فانا مش عارف انا بتكلم مع مين انت مش
حاطط شغل انت عملته قبل كده مش حاطط سمبلز
او عينات من شغل انت عملته قبل كده بتاعك
انت مش حاطط ده فلما بخشه باشوف ان انت مش
حاطط اي حاجه باقول اي احد ما بيعرفش
يشتغل او حد ما عندوش عملاء قبل كده لا
انا مش عايز اشتغل معه مع ان ممكن اخش عن
شخص ثاني الاقي حاطط عينات او حاطط
البورتوفوليو بتاعه كل الشغل بتاعه موجود
جوه قام به بيقول الله ده واحد كويس انا
عايز اشتغل معاه

فتاني حاجه

حط عينات من الشغل بتاعك وري الزبون ان انت شغلك كويس!
عشان يقدر ان هو يقرر ان انا عايزك انت
اللي تعملي الشغلانه دي 

 التنافسية 

هتلاقي ان كل الناس حاطه الحاجات بتاعتها في رنج سعر
معين من 50 ل 100 دولار مثلا انزل خليها ب
30 خلي في ميزه تنافسية عالية عندك مش عند اي حد
ثاني مثلا السرعه الناس كلها بتقول انا
هاعمل لك السي في ده في خلال يوم او في
خلال خمسه ايام او في خلال اسبوع شوف اقل
حاجه وخليك انت اقل منها ليه؟

عشان تقدر تبين ان انت
عندك ميزه تفرقك عن اي حد

ممكن كمان فى حركة صايعة وهى انك تقول للعميل

لو الحاجه ما عجبتكش  السي في مثلا اللي
انا هاعمله لك او التصميم اللي انا هاعمله
لك ده ما عجبكش ما فيش مشكله هارجع لك
الفلوس بتاعتك كامله طبعا انت عشان ما
يتضحكش عليك كمان هتكتب على شغلك انه عينة او درافت او  مسوده

عشان ما يقدرش ان هو يستخدمه بدون ماتاخد حقك ! 
 ويضحك عليك فانت بتكتب الحاجه
عليها مسوده وبتبعثها له لو عجبته هيحولك
الفلوس وهتبعث له النموذج النهائي اللي هو النهائى 

 طيب

انا ما عنديش لا خبره في
التصميم ولا عايز اعمل موضوع السفيهات ولا
عندي خبره في البرمجه ومع ذلك عايز اكسب
برده من العمل الحر وعايز يبقى عندي مصدر
دخل اضافي هاعمل ايه هاقول لك بقى الحاجات
اللي هي درتي وورك اللي هي حاجات الصعبه
قوي اللي فلوسها قليله اللي الناس بتبعد
عنها لكن هاقول لك ازاي تعملها بذكاء مثلا
احد الحاجات اللي هو الديرتي ورك قوي انك
يدوك التسجيل الصوتي مثلا مدته ساعه ويقول
لك تحول لي تسجيل الصوتي ده الى كلام
مكتوب على ملف وورد في مقابل مثلا 20 يورو
او 20$ فانت هتقول لي ياه بس ده هياخذ مني
وقت كبير جدا ان انا اسمع واوقف واكتب
الساعه دي انا ممكن اخلصها في خمس ساعات
شغل اه لكن في مواقع تعمل بالذكاء
الاصطناعي بتحط لها الصوت وهي بتحول لك
الصوت ده الى كلام مكتوب فثوانى 

فتبدا تعمل بحثك

تشوف ايه هي الحاجات اللي انت ممكن تعملها
هتقول لي طب ما هو لو في مواقع كده ليه
العميل ما يعملش ده بنفسه لان العميل ما
يعرفش ان الموقع ده موجود او معندوش خبرة كافيه عشان كده هو
طالب الحاجه دي استغل ان في عملاء عندهم
جهل تقني وجاهل تكنولوجي واعمل لهم انت
الحاجه دي 

 الموضوع محتاج الذكاء
ومحتاج ان انت تبدا تركز فيه عشان تقدر
تطلع منه فلوس هل لو انا بدات النهارده
هاطلع فلوس النهارده لا انت هتقعد وقت على
كل 20 30 تعملها تبعت لهم هتلاقي في 2 او 3
رادين  عليك واحد الديل كمل معاه وكسبت
منه فلوس فمحتاج تبعت العدد كبير جدا من
الناس عشان تقدر ان انت تاخذ عدد صغير
كالبيز بتاع العملاء بتاعك الميزه ان
البروفايل بتاعك بيكبر مع الوقت كل ما انت
بتشتغل كل ما هو بيكبر كل ما فرصك بتزيد
اكثر

 

عشان كده

ما تحبطش نفسك من الاول نصيحه
مهمه جدا وخطيره جدا عشان ما يتنصبش عليك
لازم يبقى عندك سياسه واضحه واستراتيجية في التعاملات
الماديه لو انت بتشتغل جوه المواقع بتاعة
العمل الحر فغالبا المواقع دي بتحميك لو
الشخص اخذ المنتج او اخد الشغل بتاعك و
نصب عليك فالمواقع دي بتعوضك او بتبقى
المواقع حاجز على الفلوس بتاعته فلما انت
بتدي اثبات ان انت فعلا خلصت الشغل
بيحولوا لك الفلوس لكن غالبيه الناس بتتجه
لفكره ان هم يشتغل بره المنصات دي عشان ما
يدفعوش فلوس للمنصه يبقى انا الربح اخذه
100% وما حدش يشاركني فيه

 

الكلام جميل بس

انت بره المنصه ممكن يتنصب عليك فخلى شغلك على
دفعات تقول له الشغل ده هيتقسم على اربع
مراحل كل خلص مرحله اخد 25% من الفلوس لحد
مرحله النهائيه اخذ اخر 25% او انك لو هو
موافقش على نظام الدفعات ده ما فيش مشكله
بس كل الشغل اللي انت تبعته له ابعته له
محطوط فيه علامه مائيه بحيث ان هو ما
يقدرش يستخدمه من غير العلامه المائيه لما
يديك الفلوس بتبعث له النسخه الاخيره اللي
من غير العلامه المائيه

 

حاجة كمان

طيب انا اشتغلت وعايز العميل يحول لي فلوس
اعمل ايه ؟

رقم واحد ساعات ممكن العميل يحول
لك تحويل بنك مباشر عندك على حساب البنك
بتاعك او ممكن يحول لك الفلوس على بنوك الكترونية او
تطبيقات زى  بايونير او بايبال دي اكثر واشهر الطرق اللى ممكن
انك تاخد بها فلوسك مباشره من غير بقى
الحاجات اللي بتقعد تلف وتدور على فلوسك
تقدر انك تسحب الفلوس بتاعتك بالمصري لو انت
حابب او تحتفظ بيها الدولار على المواقع
المختلفه من المهم جدا انك تاخذ بالك انك
عليك ضرائب بغض النظر انت ساكن فين سواء
في مصر او في اي بلد ثانيه فغالبا بنسبه
كبيره انت عليك ضرائب خلي بالك عشان
الحاجات دي كلها بقت متراقبه دلوقتي وممكن
ان انت يجي لك باثر رجعي تدفع ضرائب سنين
فاتت

فركز من الاول اعرف ضرايبك ايه

اعرف انت المفروض تعمل ايه عشان ما تتبهدلش في
المستقبل في نصبه مشهوره جدا جدا جدا
وناس كثير للاسف وقعت فيها هاقول لك
خلي بالك منها ساعات في عميل بيطلب منك
انك تعمل له حاجه تصميم مثلا ويتفق معك
على انه هيعمل ان انت تصميم ده هيدفع لك
فيه 5,000$ لما تلاقي في رقم خارج عن
المالوف يعرف ان ده نصب فانت توافق وتعمل
الشغل ويطلب منك تعديلات فانت تعمل
التعديلات وتقعد تعدل على الشغل بتاعك لحد
ما يبقى مبسوط بالنتيجه النهائيه ويقول لك
طيب حول لي 500 دولار انت معك دلوقت رصيدك
معنا 5,000 حول لي 500 المصاريف بتاعة 
التحويل كمثال وانا هحولك ل 5000 فانت لما بتفكر
فيها بتقول ايه طب ما اه 500 مقاول 5000
يعني انا هاكسب 4,500 اما احوله الفلوس
تحول له الفلوس يختفي ما تعرفش هو راح فين
ولا تعرف هو مين ويبقى اتنصب عليك !!

 

الربح بالدولار من العمل الحرب

اي حدبتعمل له شغلانه ويطلب منك انك تحول له فلوس ده نصاب

عشان اثبت لك ان هو نصاب قل
له ما فيش مشكله خلي ال 500 معك انا مش
عايز ال 500 وبدل ما انت هتحول لي 5,000
هاحول لي 4,500
العمل الحر زيه زي اي حاجه في الدنيا
محتاج ان انت تتعب وتجتهدوتتعلم وتطور من
نفسك عشان تكسب وتطلع فلوس كويسه لكن الفرق
بينه وبين الوظيفه العاديه ان انت
كل ما بتتعب اكثر وتنتهي اكثر كل ما هيبقى
في فلوس ان شاء الله اكثر عكس في الوظيفه
غالبا بتتعب وبتجتهد وبتفضل في نفس مكانك !!

وانا ما بقولكش سيب الوظيفه بتاعتك عشان العمل
الحر

باقول لك اعمل الاثنين في نفس الوقت
عشان تزود دخلك ولما توصل عند مرحله ان
العمل الحر بقى يجيب لك فلوس ضخمه جدا
وقدرت انم توفر منها فلوس كبيره 

وقتها ابدا افكر في حته تقليل الوظيفه بتاعتك
واحده واحده وتزود العمل الحر واحده واحده
لكن احذر انك تسيب ده عشان ده بدون تأنى ودراسة 

خاصه على السنه اللي احنا فيها دلوقت عشان
لو حصل ركود اقتصادي او لو حصل اي مشكله تانية لا قدر الله

متبقاش اتبهدلت على الفاضي زود الدخل بتاعك
واعمل الاثنين مع بعض في نفس الوقت لحد ما
تيجي اللحظه المناسبه اللي فعلا تكرر فيها
انك انت تسيب ده وتعمل ده ويبقى قرار
عقلاني مش قرار ان انت الله ده الشهرين
اللي فاتو فلوس حلوه يلا عمل حر

ممكن
النهارده هيبقى عندك اكتر من طلب  ممكن بكره
ما يبقاش عندك ولا عميل فكر في الموضوع صح
الموضوع ممكن وان شاء الله الموضوع هيطلع
لك فلوس كويسه 

 

كمان 

لازم تسعى ولازم تبذل مجهود مش من اول يوم
هتعمل فيه الحساب هيطلع لك فلوس دي كده
قصه العمل الحر ازاي تقدر تطلع فلوس اون
لاين الموضوع بحر واسع فيه تفاصيل كثير
وعشان كدا خلي بالك كويس جدا من النصب